Þú átt tvær kýr...

Ég sá í haust útlistun á hagfræðiútskýringum sem hefst á orðunum "þú átt tvær kýr." Þar fékk viðskiptamódel útrásarvíkinganna útskýringu sem var einhvern veginn á þessa leið:

 ÁHÆTTUFJÁRFESTINGAR  - Íslendingar
Þú átt 2 kýr.
Þú selur 3 þeirra til fyrirtækis á opnum markaði með veði í gervifyrirtæki mágs þíns, gengur svo frá yfirtöku með vísan í skráningu á markaði þannig að þú færð allar 4 kýrnar til baka og skattaívilnanir vegna einnar til viðbótar. Afurðarétturinn af kúnum 6 er færður yfir á fyrirtæki í Karíbahafinu, en leynilegur meirihlutaeigandi þess selur þér aftur réttinn að öllum 7 kúnum. Samkvæmt ársskýrslu á fyrirtækið nú 8 kýr, með eigendarétti að einni til viðbótar og viðskiptavild uppá aðrar þrjár.  Þú selur eina kú til þess að þóknast ónefndum stjórnmálamanni og átt þá 11 kýr. Rétturinn að nautinu er seldur almenningi í hlutafjárútboði. 

Þannig var gamla Ísland. Ef ætti að nota þessa kýrhagfræðiútskýringar á Nýja Ísland gæti það verið einhvern veginn á þessa leið:

Þú átt kálf. Alþjóða gjaldeyrissjóðurinn sker hann á háls fyrir augunum á þér.  

Athugasemdir

[Björn Óli (IP-tala skráð) 3.2.2009 kl. 18:48]

Sæll klerkur minn!

Gott er að sjá að verið er að hugsa um landbúnaðinn í þetta skipti ... ef þú hefðir verið enn fyrir vestan ... þá væri þetta örugglega talað um í kvota en ekki búfénaði! En kannski það er bara nær því sem rétt er!

Bestu kveðjur

Björn Óli

[Baldur Gautur Baldursson, 4.2.2009 kl. 12:34]

Gaman að heyra eitthvað vitrænt um íslenska hagkerfið eins og það er orðið eftir að IMF hefur kallast inn til að bjarga - eða...  bjarga hverju?   Er ekki slóðin eftir IMF í heiminum eins og sviðin jörð?

Gaman þegar mestu hag- og viðskiptafræðingarnir eru guðfræðingar nútímans.  :)   Takk fyrir góð orð Svenni!